Curiosidades de Noia

Deixovos unhas fotos (creo que non as colguei previamente) sobre un dos pazos urbanos de Noia, o da Chaínza. Do que so quedan as ruínas da última reforma. Por sorte parte da estrutura de pedra do Pazo orixinal conservase, e a fabrica de curtidos esta moi deteriorada pero conserva o seu estado orixinal. Esta é a parcela onde se pretende facer o novo conservatorio.

Bo Nadal

Bo Nadal e Felices festas a todos vos!

Resultados da enquisa

Preguntaba nunha enquisa a valoración sobre este blog. Ao final houbo 55 votos, 36 considerano moi útil, 9 que non vale para nada, pechao!, 6 pouco útil pero entretido, e 4 debe cambiar.

Polo menos non deixa a ninguén indiferente. Grazas por votar.

Por fin!!!!!

Hoxe venres 18, ás 17:00 abrese ao tráfico a rúa Carreiriña e a Avenida de Galicia, dúas obras nas que se investiron aproximadamente 1.4 millóns de euros. A mesma hora acenderase por fin o alumeado novo da Avenida de Galicia.

Persoalmente farei entrega dunha carta aos veciños para informar sobre o tema e agradecer a súa comprensión e colaboración durante a execución das obras.

Agora entre todos deberiamos colaborar para mantelas limpas e en bo estado.


Grazas a todos pola vosa paciencia, agardo que valera a pena.

Doazon

O xoves 17 de decembro procedín á entrega de 250 euros áo Convento de San Xosé das Monxas Trinitarias de Noia, na Corredoira.

Esta cantidade provén da indemnización pola sentenza que condea a sete persoas por unha falta cualificada de COACCIÓNS contra a miña persoa. Os feitos acaeceron o 3 de Maio de 2008 cando fun insultado e perseguido na Alameda de Noia e no Campo da Feira por estas persoas e varias ducias máis que os acompañaban (provintes da manifestación contra a variante que rematara un tempo antes), mentres paseaba coa miña dona, a miña filla e unha amiga.

En Xaneiro de 2009 o xulgado número 1 de Noia xa condeara a estas persoas, que recurriron a sentenza que foi ratificada en segunda instancia en Outubro de 2009, ordeandose o pago da indemnización en novembro deste mesmo ano. Unha vez cobrada foi doada á orde das Trinitarias de Noia.

Ademais estas persoas foron condeadas ao pago cada un de 120 euros de multa.

Quero expresar a miña gran ledicia por este feito, xa que este tipo de comportamentos deben ser condeados porque non son propios dunha sociedade civilizada e democrática.

Suspendense as clases en educación

O mércores 16 de decembro suspendense as clases en colexios e institutos. Membros de protección civil avisan mediante megafonía pola vila.

Alumeado de Nadal

O venres 11 de decembro acendeuse o alumeado de Nadal en Noia. Cun gasto de 14.500 euros asumidos integramente polo Concello de Noia.

Aforro enerxético

A Deputación provincial de A Coruña ven de conceder unha axuda de 39.000 euros ao concello de Noia para aforro enerxético.

Desde a Deputación de A Coruña, realizouse dentro do programa PEACE, unha auditoría enerxética do concello, analizando tanto o tema do alumeado público, como o consumo de enerxía nos edificios municipais a través da empresa APPLUS.

Dentro deste programa o organismo provincial ven de anunciar unha axuda de 39.033 euros para a eficiencia e aforro enerxético nas instalacións municipais.

Estas medidas comprenden a instalacións de tres placas solares no Pavillón Rosalía de Castro, a instalación de detectores de presencia en instalacións municipais, o cambio de lámpadas incandescentes e fluorescentes por outras de baixo consumo, cambios en radiadores e instalacións de calefacción e eléctricas.

Así mesmo este mesmo ano acometeuse obras de eficiencia enérxética na Avenida de Galicia, financiadas polo INEGA da Xunta de Galicia, que permitiron trocar as faloras existentes por outras de baixo consumo, reducindo o consumo en máis dun 80%.

Apareceu o mariñeiro desaparecido

Hoxe domingo 6 de Decembro apareceu o corpo de Candido Méndez, preto das bateas. Candido foi concelleiro en Noia polo BNG ata Maio de 2003, e desapareceu o pasado xoves 27 de Novembro mentres faenaba cerca das bateas do Freixo.

Nos primeiros momentos fun relatando no blog e facebook os datos do dispositivo de búsqueda, logo como comprobachedes deixei dar información, por desgraza pasado un tempo, só quedaba agardar.

Curtas de Noia

4-5-6 de Decembro Mostra de Curtas Vila de Noia

Viaxe da Banda Municipal

Este fin de Semana a Banda de Noia viaxa a Viana do Castelo, por desgraza nesta ocasión non puiden acompañalos por mor da gripe que me manten na cama.

Enquisa

Na barra lateral comezamos unha enquisa para que valoredes este diario.